Ja, så har dei gjort det igjen. Unge Høgre. Valkamp. Tankelaus nynorskhets. Det gjorde dei under førre valkamp, og det var ikkje fyrste gong. Under ein skuledebatt, kom Amara Butt frå Unge Høgre med det følgjande usaklege utsegnet: «Nynorsken skal tilbake i fjøset der den hører hjemme». Dette tykkjer eg er særs irriterande, både som nynorskbrukar og som politisk interessert. Slikt høyrer ikkje heime i valkampen. Slikt høyrer ikkje ein gong heime i ein vaksen samtale. Barnehageåtferd!
Eg kunne godt ha kome med ei lang remse med motargument, men når utsegna som krev svar er så ufatteleg idiotisk, er det ei stor utfordring å unngå å gjeva svar på tiltale på same nivå. Difor skal eg ikkje ein gong prøva på det. Det ser nok uheldigvis ut som om eg må oppdatera Spynorsk.net att. Eg gjev dykk No er det nok – i dass med det, og gjev Butt svar på tiltale på same nivå som henne:
Clik here to view.
Eg hiv bokmålet i dass, der det høyrer heime
Og så kryssar eg fingrane for at eg slepp å oppdatera Spynorsk.net om to år.
PS.: Last gjerne ned PDF-en, teip fast ein høveleg stad og send meg eit bilete, så skal eg publisera det på spynorsk.net